GUELFERBYTUM

GUELFERBYTUM

urbs Germ. cum arce munitissima, in Ducatu Brunsvicensi, sub proprio Principe: vulgo Wolffenbuttel. Lineae huius Guelferbytanae sator Henricus fuit Magni fil. Dux Brunsvicensis: cuius fil. Vilhelmo sen. natus est Vilhelmus iun. pater Henrici sen. seu mali, qui Guelferbytanum ramum et Erici sen. qui Goetingensem seu Calenbergium est orsus. Henrico mortuo A. C. 1514. suceessit fil. Henricus iun. otii et quieris impatientissimus: qui A. C. 1542. a Smalcaldicis universo Ducatu exutus, ad Bavaros fugit. Dem copiis reparatis, Guelferbytum obsedit, sed inde depulsus victusqueve in potestatem Mauritii Saxonis venit, libertate eius, non nisi A. C. 1547. inter conditiones Hassi reconciliandi, a Caesare impetrata. Obiit A. C. 1568. Eum sil. Iulius excepit, qui Evangelium in ditiones introduxit, heimstadiensit Academiae fundator, A. C. 1576. Obiitque A. C. 1589. Pater Henr. Iulii, qui A. C. 1596. Grubenhagiam successionem soli sibi asleruit, unde lis ei cum agnatis. Brunsvicum frustra obsedit A. C. 1605. Obiit A. C. 1613. Ei successit fil. ex Elisabetha Danica Fridericus Ulricus, qui A. C. 1615. pari successu Brunsvicum obsedit, in causa Grubenhagia condemnatus est, translationem Electoratus in Bavarum palam improbavit: desertus a Dano, qui fratri eius Christiano Ducatum commisit, rediit ad Caesarem, et Guelferbytum a Danis posleslum Okkari inundatione per Pappenhemium domuit. Decessit A. C. 1634. ultimus sui rami. Successit ei agnatus ex linea Dannebergica, Augustus fil. Henrici Ducis Luneburg, nepos ex fratre Vilhelmi, cui Cellensis obtigit hereditas. Augustus post sterile cum Clara Maria Pomerana matrimonium, egregiam sobolem sustulit, ex Dorothea Anhaltina quidem Rudolphum Augustum, et Antonium Ulricum: ex Sophia vero Elisabetha Megapolitana, Ferdinandum Albertum: Ipse supra omnes reliquos Germaniae Principes aetate provectus, pietate, iustitia et literis insigne nomen promeritus, Obiit haud pridem. Curae eius opus est Bibliotheca Guelserbytana.